舒緩過敏孖寶(加美白精華小推介)

我既皮膚對一般護膚品唔容易過敏，但週圍既環境就好容易令我敏感

例如一去到一d多塵既地方，就會令我塊面腫起一粒粒好似蚊咬咁 

而且仲會又痕又紅，之前一路都無方法搞得掂，只能夠停用全部護膚品
但自從用左呢兩隻護膚品就可以極快舒緩到我過敏既情況！

Avene 舒護活泉水 

通常一起個d紅腫之後，我就會狂噴

之後等佢留係塊面一陣，吸收左少少之後
再將佢拍開，咁d過敏就可以退得7788。
而因為佢細細枝，我平時都會拎出街
以免又俾d灰塵搞到我塊面又紅又痕

肌研極潤保濕化妝水

其實初初係見萬寧有折八十幾蚊，諗住留番冬天先用

因為我怕佢會太潤痴立立
但由於個排我敏感緊，屋企又無俾敏感肌專用既化妝水
所以就開左黎用，點知真係好用到不得了



(我要用閃令令表達佢有幾好用XDD)

佢既質地好似黏黏地咁，但搽上面就好爽好快吸收
而且好保濕，又可以舒緩到我既敏感
而遇到比較大粒同紅腫既敏感
就會先噴小小活泉水做底加化妝水濕敷
咁敏感就會退非常多

美白精華小推介

Kiehl's醫學革新維C淡斑精華

我兩個月已經用到見底啦~~
非常好用，真係明顯有白到
暗瘡印有退到，但斑我就唔知啦，因為我無
而且佢唔似一般美白精華液咁乾，都幾潤下
所以係冷氣房用皮膚都唔會被抽乾水份
而且朝早都用得，唔會反黑
所以買得過呀