너따윈버리고 Let This Die Brian Joo Feat. 타이거 JK Tiger JK

最近不停loop住播既一首歌!!!!!!!

雖然不嬲知Brian把聲靚但無乜邊首歌好搶耳。

但呢首真係好好聽呀!!!!!!!!!

仲要加埋Tiger JK (順帶一提佢老婆T我都好鐘意)既rap!!!!!鳴呀，我暈啦!!!!!!!!

上晒腦啦真係!

辦年貨

嘩咁快又新年啦

好似自從讀中學之後，時間就過得特別快咁
其實除左豆利是之外，不嬲對新年都無咩感覺。
不過人越大越珍惜同親人見面既時間，
所以今年自己都比以前更重視新年，自己買左d拜年禮物同全盒朱古力。

由於我地只會去阿叔屋企拜年(今年唔去，要溫書)，但裡面聚集左十幾個親戚(囧)
我今次就係agnès b. DÉLICES買左曲奇同朱古力(其實都係諗住買俾班細路即埸食)
朱古力揀左呢盒

其實朱古力佢地都有出新年紅色禮盒個d，不過我覺得無咁靚就無揀到。

仲買左盒曲奇餅，聽聞雪左仲好食。
甜野最岩細路食，長輩歎茶又岩，所以就買埋

買夠$300仲送利是封
好靚呀，但唔知點解印兔仔，進貢哂俾阿麻

佢話封俾班細路岩哂(好似買咩都係俾細路咁 哈哈)

另外，尋日仲係Chocolat-ier 買左朱古力放全盒。

個度d朱古力係自己揀自己"筆"，
揀得我好開心，個度有好多唔同味道揀
仲標榜有機，低脂添，好食又健康！
撞岩新年有買300g送100g，抵！(其實400g真係幾多下)
食左幾粒，推介乳酪小紅莓朱古力酸酸甜甜咁好好食
如果好咖啡既話，朱古力咖啡豆都係推介，咖啡味真係好似湧出黎咁
仲有，個度仲有得試食，可以試岩先買！

其實買呢d野可能要洗多d錢，但新年一年都係得一次
我覺得咁洗都值得，起碼收到個個人都開心嘛！
新的一年希望大家身體健康(呢樣真係最緊要)
我亦希望自己學業進步，凡事順順利利(今年對我黎講真係好重要)！

(肥)Angelababy cafe

唔好意思呀,天使啦寶貝個頭俾侍應遮住左。

早排，去左ab間主題cafe食晚餐，不嬲都知多人食架啦係估唔到要限時食。

其實裡面既客真係佔左8成都係女仔，我初初仲以為係宅男朝聖地黎架添，點知無喎。

不過個度環境唔錯，仲周圍貼左ab個樣(其實我覺得呢個造型有d似孤疑張poster)

我地坐梳化位都幾舒服下，傾計岩哂。

當日我就揀左angela三食+沙律 餐飲:蜜桃茶

沙律OK啦，係D雞肉乾左D  麵包係跟湯/沙律都送既,其實幾好食

Angela三食(個名好似一魚兩味d frd -,-)

香草春雞胸+火炙鮭魚腩+意式松露野菌意粉

個雞幾好食，又唔鞋，d汁又ok

火炙鮭魚腩就普通貨仔啦，講真三文魚都好難整得難食掛

個意粉就麻麻，都幾多油下，亦食唔到咩野菌味，因為個意粉本身都無乜味

個份量都ok,女仔可能多左小小

埋單$13X

講真，百幾蚊貨仔，質素都算係咁

你去樓上cafe都差唔多係咁既價。可以試試

地址:旺角亞皆老街8號朗豪坊11樓30號舖