唔好意思呀,天使啦寶貝個頭俾侍應遮住左。
早排，去左ab間主題cafe食晚餐，不嬲都知多人食架啦係估唔到要限時食。
其實裡面既客真係佔左8成都係女仔，我初初仲以為係宅男朝聖地黎架添，點知無喎。
不過個度環境唔錯，仲周圍貼左ab個樣(其實我覺得呢個造型有d似孤疑張poster)
我地坐梳化位都幾舒服下，傾計岩哂。
當日我就揀左angela三食+沙律 餐飲:蜜桃茶
沙律OK啦，係D雞肉乾左D 麵包係跟湯/沙律都送既,其實幾好食
Angela三食(個名好似一魚兩味d frd -,-)
香草春雞胸+火炙鮭魚腩+意式松露野菌意粉
個雞幾好食，又唔鞋，d汁又ok
火炙鮭魚腩就普通貨仔啦，講真三文魚都好難整得難食掛
個意粉就麻麻，都幾多油下，亦食唔到咩野菌味，因為個意粉本身都無乜味
個份量都ok,女仔可能多左小小
埋單$13X
講真，百幾蚊貨仔，質素都算係咁
你去樓上cafe都差唔多係咁既價。可以試試
地址:旺角亞皆老街8號朗豪坊11樓30號舖
沒有留言:
發佈留言